Британиялик жуфтлик Жанубий Америка бўйлаб югуриш экспедициясини ташкил қилди ва бу саёҳатга 14 ой кетди. Катарина ва Дэвид Лоурининг бу саргузаштига Daily Mail газетаси эътибор қаратди.
Жуфтлик марафонни 2013 йилнинг октябрь ойида бошлаган ва уни 2014 йилнинг декабрь ойида якунлаган. Улар қарийб 10,5 минг километрни босиб ўтган. Масофанинг катта қисмида улар оёқяланг ҳаракат қилган.
Марафончилар Жанубий Американинг энг жанубий нуқтасидан старт олган. Йўлда улар Аргентина, Боливия ва Бразилиядан ўтган. Лоурилар саёҳатни материкнинг шимолида, Венесуэланинг Карупано шаҳрида якунлаган.
Катаринанинг айтишича, маҳаллий аҳоли уларга доимий равишда экспедицияни тўхтатиш, акс ҳолда уларни ягуарлар еб қўйиши ёки террорчилар отиб ташлаши ҳақида гапирган. Саёҳатнинг бошида улар жисмонан кучсиз бўлганлиги сабабли бир кунда 32 километр масофа босиб ўтган.
Лоурилар бу экспедицияни Жанубий Амеркадаги табиат муҳофазаси масаласига эътибор тортиш ва бу муаммо билан шуғулланувчи жамоат ташкилотлари учун пул йиғиш мақсадида уюштирган.
Изоҳ (0)