Ставрополь ўлкасидан бўлган талаба Глория Колесниковага Россия президенти Владимир Путин томонидан совға қилинган от ўғирлаб кетилди. Бу ҳақда Глория «Россия газетаси»га маълум қилди.
«Ўғирлик биз уйдан чиқиб кетганимизда содир бўлган. Уйга қайтиб келганимизда отни топа олмадик», — дейди талаба қиз.
Колесникова полицияга ариза ёзган. Унинг сўзларига кўра, ўғирлаб кетилган Черкесск отининг нархи икки миллион рубль туради, бироқ у отни сотиш ниятида бўлмаган.
Талаба қиз ўзининг оти ҳақида жорий йилнинг январь ойида маълум қилганди. Колесникова 2016 йилнинг баҳорида президент маъмуриятига от сўраб мурожаат қилган ва орадан бироз вақт ўтгач мамлакат раҳбари қизнинг талабини қондиришни топширган. Бироқ маъмурият отхона мавжуд эмаслиги сабаб президент совғасини топширишни чўзиб юрган.
Колесникова уйида отхона қуриш харажатларини тўлаши учун ёзи билан Москвада ишлашига тўғри келган. Ноябрь ойида от қизга топширилган ва унга Президент лақаби берилган.
Изоҳ (0)