Бузғунчилар Христофор Колумб шарафига Нью-Йоркнинг Йонкерс боғига ўрнатилган ҳайкалга зарар етказишди, деб хабар берди News 12 телеканали.
60 сантиметрли ҳайкал гипсдан тайёрланган бўлиб, турган жойидан тушиб парчаланиб кетган. Ҳайкалнинг олд қисми ёдгорликнинг асосидан, орқа қисми тепаликнинг юқори қисмидан топилган.
Полиция комиссари Чарльз Гарднернинг сўзларига кўра, ҳайкални болалар бузган бўлиши мумкин. Шунга қарамай батафсил тергов ўтказилиши режалаштирилмоқда.
Колумбнинг бронзадан ишланган дастлабки ҳайкали 12 йил олдин ўғирлаб кетилган эди.
Сўнгги ҳафталарда АҚШдаги бир қатор ижтимоий гуруҳлар фуқаролик уруши даврида жанубий штатлар Конфедерацияси раҳнамоларига ўрнатилган ёдгорликларни бузиб ташлаш учун курашмоқда. Энг катта қарама-қаршилик Виржиния штатининг Шарлоцвилл шаҳрида рўй берди. Генерал Роберт Лига ўрнатилган монументни бузиб ташлашга қарши ўтказилган норозилик намойишида тартибсизлик юзага келган ва оқибатда 15 киши жабрланган.
Колумб хотирасини абадийлаштиришга қарши бўлганларнинг фикрича, Американинг кашф қилиниши маҳаллий аҳолининг йўқ бўлиб кетишига, шунингдек, миллионлаб африкаликлар жабр чекаётган одам савдосининг ривожланишига олиб келган.
Изоҳ (0)