Москва марказидаги Four Season меҳмонхонасида тўппончадан ўқ узгани учун қўлга олинган бизнесмен ва собиқ сенатор Умар Жаброилов манзилни тарк этмаслик шарти билан қўйиб юборилди. Бу ҳақда Россия ИИВ Москва шаҳар бош бошқармаси матбуот хизмати маълум қилди дея хабар беради «ТАСС».
«29 август куни шаҳар марказидаги меҳмонхонада тўппончадан юқорига қарата ўқ узган эркакка ‘Безорилик’ моддаси бўйича қўзғалган жиноий иш доирасида манзилни тарк этмаслик ҳақида огоҳлантириш чораси қўлланди», — дейилади матбуот хизмати хабарида.
Жаброилов Москва полициянинг «Китай-город» бўлими биносини тарк этгани билдирилмоқда.
Изоҳ (0)