Microsoft асосчиси Билл Гейтс 30 август, чоршанба куни дунёнинг энг бадавлат кишилари рейтингидаги биринчи ўрнини яна йўқотди. Бу ҳақда «Газета.ru» маълум қилди.
Forbes нашрининг аниқлик киритишича, Inditex холдинги (Zara, Pull&Bear ва Massimo Dutti брендлари) асосчиси Амансио Ортега Гейтсдан 200 миллион долларга ўзиб кетди. Ортеганинг мол-мулки 85 миллиард, Гейтсники эса $84,9 миллиард доллар баҳоланди.
Олдинроқ Ортега Microsoft асосчисини рейтингда уч маротаба пастга тушириб юборган, бироқ ҳар гал етакчилигини кун давомида йўқотарди. Охирги бор бундай ҳолат 29 август куни рўй берди.