ЖЧ—2018 саралашининг 9-турида Ўзбекистон терма жамоаси Хитойга имкониятни бой берди. Ўйиндаги ягона гол 84-дақиқага келиб пенальтидан урилди.
Ўша вазиятда Шри-Ланкадан бўлган бош ҳакам Анзур Исмоилов ўйин қоидасини бузди деб топди. Пенальтини Гао Лин аниқ амалга ошириб, Марчелло Липпи шогирдларининг ғалабасини таъминлади.
Хитой Тошкентдаги биринчи ўйинда 0:2 ҳисобида имкониятни бой берганди. Шундан сўнг улар бош мураббий сифатида Марчелло Липпини олиб келди. Натижада Хитой Қатар ва Сурия билан дуранг ўйнади, Жанубий Корея ва Ўзбекистон термасини мағлуб этишга муваффақ бўлди.
Ўзбекистон термаси эса саралашдаги бешинчи мағлубиятини қабул қилиб олди. Бунгача Сурия, Жанубий Корея ва 2 марта Эрон термаси Самвел Бабаян шогирдларини таслим қилишга эришганди.
Ўзбекистон термасининг бахтига Жанубий Корея такрорий ўйинда ҳам Эронни таслим қила олмай, 2 очко бой берди. 5 сентябрь куни Тошкентдаги ўйинда кореяликлар мағлуб этилса, ЖЧ—2018 чиптасини қўлга киритиш мумкин бўлади. Демак, тўрт йил аввал Сеулда қолган аламни энди Тошкентда олиш учун яхши имконият бор.
Бироқ бу ҳаммаси эмас. Мазкур турда Суриялик футболчилар ишончли ғалабага эришиб, турнир жадвалида 3-ўринга кўтарилиб олди. Сўнгги турда Сурия барча масалани ҳал қилиб қўйган Эрон билан дуч келади. Катта эҳтимол билан Карлуш Кейруш мазкур учрашувга 2-таркиб футболчиларини ташлаши мумкин. Воқеалар шундай давом этса, Ўзбекистон термаси 3-йўлланмадан ҳам умидини узишига тўғри келади. Биргина йўл энди Жанубий Кореяни таслим қилиш.
ЖЧ—2018. Саралаш «А» гуруҳи. 9-тур 31 август, пайшанба
Хитой — Ўзбекистон 1:0
Гол: Гао Лин, 84-пен (1:0).Хитой: Зенг Ченг — Занг Лингпенг, Фенг Ксиаотинг, Ву Лей, Зенг Зи, Хао Жунмин, Ли Ксюепенг, Гао Лин, Занг Хизе, Ю Ханчао, Денг Ханвен.
Ўзбекистон: Игнатий Нестеров — Егор Кримец, Анзур Исмоилов, Марат Бикмаев (Сардор Мирзаев, 79), Отабек Шукуров, Сервер Жепаров (Александр Гейнрих, 85), Одил Аҳмедов, Игорь Сергеев (Азиз Ҳайдаров, 67), Виталий Денисов, Ислом Тўхтахўжаев, Элдор Шомуродов.
Сурия — Қатар 3:1
Голлар: Умар Ҳарбин, 7 (1:0). Али Асадулла, 35 (1:1). Умар Ҳарбин, 54 (2:1). Маҳмуд Ал-Мавас, 90+5 (3:1).Жанубий Корея — Эрон 0:0
Четлатиш: Саид Иззатуллоҳий, 52 (Э).
Изоҳ (0)