JCh—2018 saralashining 9-turida O‘zbekiston terma jamoasi Xitoyga imkoniyatni boy berdi. O‘yindagi yagona gol 84-daqiqaga kelib penaltidan urildi.
O‘sha vaziyatda Shri-Lankadan bo‘lgan bosh hakam Anzur Ismoilov o‘yin qoidasini buzdi deb topdi. Penaltini Gao Lin aniq amalga oshirib, Marchello Lippi shogirdlarining g‘alabasini ta’minladi.
Xitoy Toshkentdagi birinchi o‘yinda 0:2 hisobida imkoniyatni boy bergandi. Shundan so‘ng ular bosh murabbiy sifatida Marchello Lippini olib keldi. Natijada Xitoy Qatar va Suriya bilan durang o‘ynadi, Janubiy Koreya va O‘zbekiston termasini mag‘lub etishga muvaffaq bo‘ldi.
O‘zbekiston termasi esa saralashdagi beshinchi mag‘lubiyatini qabul qilib oldi. Bungacha Suriya, Janubiy Koreya va 2 marta Eron termasi Samvel Babayan shogirdlarini taslim qilishga erishgandi.
O‘zbekiston termasining baxtiga Janubiy Koreya takroriy o‘yinda ham Eronni taslim qila olmay, 2 ochko boy berdi. 5-sentabr kuni Toshkentdagi o‘yinda koreyaliklar mag‘lub etilsa, JCh—2018 chiptasini qo‘lga kiritish mumkin bo‘ladi. Demak, to‘rt yil avval Seulda qolgan alamni endi Toshkentda olish uchun yaxshi imkoniyat bor.
Biroq bu hammasi emas. Mazkur turda Suriyalik futbolchilar ishonchli g‘alabaga erishib, turnir jadvalida 3-o‘ringa ko‘tarilib oldi. So‘nggi turda Suriya barcha masalani hal qilib qo‘ygan Eron bilan duch keladi. Katta ehtimol bilan Karlush Keyrush mazkur uchrashuvga 2-tarkib futbolchilarini tashlashi mumkin. Voqealar shunday davom etsa, O‘zbekiston termasi 3-yo‘llanmadan ham umidini uzishiga to‘g‘ri keladi. Birgina yo‘l endi Janubiy Koreyani taslim qilish.
JCh—2018. Saralash “A” guruhi. 9-tur 31-avgust, payshanba
Xitoy — O‘zbekiston 1:0
Gol: Gao Lin, 84-pen (1:0).Xitoy: Zeng Cheng — Zang Lingpeng, Feng Ksiaoting, Vu Ley, Zeng Zi, Xao Junmin, Li Ksyuyepeng, Gao Lin, Zang Xize, Yu Xanchao, Deng Xanven.
O‘zbekiston: Ignatiy Nesterov — Yegor Krimets, Anzur Ismoilov, Marat Bikmayev (Sardor Mirzayev, 79), Otabek Shukurov, Server Jeparov (Aleksandr Geynrix, 85), Odil Ahmedov, Igor Sergeyev (Aziz Haydarov, 67), Vitaliy Denisov, Islom To‘xtaxo‘jayev, Eldor Shomurodov.
Suriya — Qatar 3:1
Gollar: Umar Harbin, 7 (1:0). Ali Asadulla, 35 (1:1). Umar Harbin, 54 (2:1). Mahmud Al-Mavas, 90+5 (3:1).Janubiy Koreya — Eron 0:0
Chetlatish: Said Izzatullohiy, 52 (E).
Izoh (0)