Саудия Арабистони қироллик оиласи қирол ва унинг бир минг кишидан иборат мулозимлари учун таътил ташкил қилишда сарфлаган харажатлар бутун Марокаш сайёҳлик бюджетининг 1,5 фоизини ташкил этди, деб ёзади «Islam-today.ru».
Қиролдан ташқари, унинг маслаҳатчилари ва вазирларидан иборат делегация Марокашнинг энг яхши меҳмонхоналарига жойлаштирилди.
Жами 800 та меҳмонхона хонаси буюртирилди, 200 та автомобиль ижарага олинди. Делегацияни қабул қилиб олишда энг яхши умумий овқатланиш компаниялари жалб қилинди.
Қирол Салмон Сауднинг ўзи Танжердаги 30 гектар майдонли ёзги саройида дам олди.
Йил давомида қиролнинг ташрифига тайёргарлик кўриш мақсадида унинг ёзги қароргоҳида вертолёт майдонлари, бир нечта янги бинолар, шунингдек, ҳажми циркники билан тенг бўлган чодир қурилди. Кенг ҳудуд 1500 метр узунликдаги девор билан тўсилган бўлиб, Марокаш қироллик гвардиясининг 30 аъзоси томонидан қўриқланади. Бу ерда ҳашаматли ҳаёт учун барча зарур шароитлар, шу жумладан, тиббий муассасалар ва ресторанлар ҳам бор.
Изоҳ (0)