Saudiya Arabistoni qirollik oilasi qirol va uning bir ming kishidan iborat mulozimlari uchun ta’til tashkil qilishda sarflagan xarajatlar butun Marokash sayyohlik budjetining 1,5 foizini tashkil etdi, deb yozadi “Islam-today.ru”.
Qiroldan tashqari, uning maslahatchilari va vazirlaridan iborat delegatsiya Marokashning eng yaxshi mehmonxonalariga joylashtirildi.
Jami 800 ta mehmonxona xonasi buyurtirildi, 200 ta avtomobil ijaraga olindi. Delegatsiyani qabul qilib olishda eng yaxshi umumiy ovqatlanish kompaniyalari jalb qilindi.
Qirol Salmon Saudning o‘zi Tanjerdagi 30 gektar maydonli yozgi saroyida dam oldi.
Yil davomida qirolning tashrifiga tayyorgarlik ko‘rish maqsadida uning yozgi qarorgohida vertolyot maydonlari, bir nechta yangi binolar, shuningdek, hajmi sirkniki bilan teng bo‘lgan chodir qurildi. Keng hudud 1500 metr uzunlikdagi devor bilan to‘silgan bo‘lib, Marokash qirollik gvardiyasining 30 a’zosi tomonidan qo‘riqlanadi. Bu yerda hashamatli hayot uchun barcha zarur sharoitlar, shu jumladan, tibbiy muassasalar va restoranlar ham bor.
Izoh (0)