Судан жанубидаги ҳарбий ҳаракатлар давомида 19 киши ҳалок бўлди. Улар орасида америкалик журналист Кристофер Аллен ҳам бор, деб хабар беради «Европейская правда».
26 ёшли Кристофер Аллен турли ахборот агентликлари учун ишлаб келган. У 26 август куни Кая шаҳридаги оғир тўқнашувлар чоғида ҳалок бўлган.
Аллен яна икки журналист билан бирга икки ҳафтадан буён исёнчилар ёнида эди.
Исёнчиларнинг ҳукумат қўшинлари билан тўқнашуви чоғида 15 нафар исёнчи ва уч нафар ҳукумат аскари ҳалок бўлди. Бундан ташқари, исёнчиларнинг мудофаа марраларидан журналистнинг ҳам жасади топилди.
2014 йили Аллен Донбассда ишлаган. У Boeing ҳалокати ерида бўлган биринчи журналистлардан бири эди.
Изоҳ (0)