Ватикан давлат котиби Петро Паролин террорчилар Рим папаси Францискка ҳужум қилишни режалаштиргани ҳақида маълум қилди. Бу ҳақда «Газета.ru» хабар бермоқда.
Паролиннинг журналистларга маълум қилишича, унга папа Франциск террорчиларнинг кейинги нишони экани ҳақидаги видеоёзув етиб келган.
Associated Press агентлигининг аниқлик киритишича, ИШИД тарафдорлари томонидан юритиладиган Telegram-каналда эълон қилинган бошқа бир видеода навбатдаги терактлар Италияда ўтказилиши таъкидланган.
Давлат котибининг айтишича, видеоёзув уни хавотирга солган, бироқ, Паролиннинг қайд этишича, Ватикандаги хавфсизлик хизматларининг тайёргарлиги жуда юқори даражада.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)