Трамп таътилдалик вақтида Оқ уй 3,4 млн долларга таъмир қилинди

Трамп таътилни Бедминстердаги ўз гольф-клубида ўтказган вақтида, Оқ уйда кенг миқёсли таъмирлаш ишлари амалга оширилди. Бу ҳақда «ТАСС» хабар бермоқда

Мутахассислар олдидаги энг асосий вазифа — Оқ уйдаги ҳавони мў’тадил сақлаш бўйича жуда эскириб қолган тизимни 17 кун ичида янгилашдан иборат эди. Бу ишлар давлат ғазнасига 1,9 миллион долларга тушди. Бундан ташқари, Трамп Овал кабинет учун янги гилам танлаган — гиламни алмаштириш 1,17 миллион долларга тушган.

Business Insider’нинг қайд этишича, Овал кабинетдаги таъмирдан ташқари, компьютер тизиларининг баъзи элементлари замонавийлаштирилган, баъзи хоналар косметик таъмирланган, мунтазам пресс-брифинглар ўтказиладиган залдаги чакки ўтган ўринлар бартараф этилган.

Алоҳида қайд этишларича, таъмирлаш ишларида фақат АҚШда ишлаб чиқарилган маҳсулотлардан фойдаланилган, мебеллар ҳам АҚШ ҳудудида тайёрланганларига алмаштирилган.

Оқ уйнинг таъмири АҚШнинг аввалги президенти — Барака Обама давридаёқ режалаштирилган эди, бироқ фақат ҳозир бунинг уддасидан чиқилди. 20 август куни якунига етган таъмирлаш ишлари учун 3,4 миллион доллар сарфланди.