Буюк Британиядаги трассада микроавтобус ва икки юк машинаси иштирокида йўл-транспорт ҳодисаси юз берди. Бу ҳақда «Газета.ru» хабар бермоқда.
Йўл-транспорт ҳодисаси 26 август, шанба куни эрта тонгда Британия жануби-шарқидаги Милтон-Кинс шаҳри яқинида юз берган.
Ҳодиса оқибатида саккиз киши ҳалок бўлган, яна тўрт киши тан жароҳати олган. Дастлабки маълумотларга кўра, қурбонлар ва жабрланувчиларнинг бари микроавтобусда бўлган.
Полиция маълумотларига кўра, ҳар иккала юк машинасининг ҳайдовчилари транспорт воситасини эҳтиётсизлик билан ҳайдаш оқибатида инсон ўлимига сабаб бўлиш гумони остида қўлга олинган. Улардан бири маст ҳолда рулга ўтирганликда ҳам гумон қилинмоқда.
Изоҳ (0)