Стивен Кинг Дональд Трампга «У» ва «Жаноб Мерседес» фильмларини томоша қилишни тақиқлади

Таниқли америкалик ёзувчи Стивен Кинг АҚШ президенти Дональд Трампга ўзининг асарлари асосида суратга олинган «У» (инглизчада «It») ва «Жаноб Мерседес» фильмларини томоша қилишни «тақиқлади». Ёзувчи буни президент уни Twitter’да блоклаб қўйганига жавоб тариқасида қилган. Бу ҳақда «РИА Новости» хабар берди.

«Дональд Трамп мени Twitter’да блоклади. Мен унга «У» ва «Жаноб Мерседес» фильмларини томоша қилишни тақиқлайман», — деб ёзган Кинг ўз саҳифасида.

Donald Trump blocked me on Twitter. I am hereby blocking him from seeing IT or MR. MERCEDES. No clowns for you, Donald. Go float yourself.

— Stephen King (@StephenKing) August 25, 2017

​Аввалроқ ёзувчи Трамп уни «қора рўйхат»га киритиб қўйгани ва шунинг учун энди президентнинг Twitter’ини ўқий олмаслигни маълум қилган.