Таиланд Олий суди коллегияси 25 август, жума куни иши бўйича ҳукм эълон қилинишига келмагани учун собиқ бош вазир Йинглак Чинаватни ҳибсга олишга ордер берди. Бу ҳақда «ТАСС» хабар бермоқда.
Қишлоқ хўжалиги ишлаб чиқарувчиларидан гурунч харид қилиш бўйича давлат дастурини амалга оширишда эътиборсизликда айбланган собиқ бош вазирнинг мингга яқин тарафдори ҳукм чиқарилишини кутиб, Таиланд Олий суди биноси олдида тўпланди. Бироқ Чинават судга келмади.
Унинг адвокатлари ҳукм эълон қилиниши санаси кўчиришни сўради. Ҳимоянинг бу сўрови рад этилди, суд Чинаватни ҳибсга олишга ордер берди ва ҳукм эълон қилинадиган янги сана сифатида 27 сентябрни белгилади.
Nation телеканалига кўра, адвокатлар собиқ бош вазир касаллиги тўғрисида маълумотни тақдим этса, ордер бекор қилиниши мумкин.
Маълумот учун, айблов Йинглак Чинават ҳукуматни бошқарган 2011—2014 йилларда унинг ҳаракатлари туфайли давлатга етказилган зарарни 518 миллиард бат (14,8 миллиард доллар) баҳоламоқда.
Изоҳ (0)