Ўзбекистон Бош вазири ўринбосари, Қишлоқ ва сув хўжалиги вазири Зойир Мирзаев 21 август куни Жакартада Индонезия президенти Жоко Видодо билан учрашди, деб ёзади UzDaily.
Ўзбекистон делегациясининг ташрифи мамлакатлар ўртасидаги алоқаларни, хусусан, қишлоқ хўжалиги ва балиқчилик соҳасидаги ҳамкорликни мустаҳкамлашга ҳамда Индонезиянинг ушбу йўналишлардаги тажрибасини ўрганишга қаратилган.
Индонезия вазирликлари ва идораларида бўлиб ўтган учрашувлар чоғида Ўзбекистон делегацияси озиқ-овқат хавфсизлигини таъминлаш ва сув маданиятини ривожлантириш масалаларини муҳокама қилди.
Томонлар Индонезия делегацияси мамлакатлар ўртасидаги ҳамкорликни ривожлантириш учун Ўзбекистонга ташриф буюриши ҳақида келишиб олди. Икки мамлакат вакиллари, шунингдек, томонлар савдо-сотиқни ривожлантириш учун катта салоҳиятга эга эканлигини қайд этди.
Изоҳ (0)