«Ўзбекистон 24» телеканали янги бир лойиҳани бошлади. Эфир сифатини ошириш мақсадида Ўзбекистоннинг таниқли сухандонлари билан ҳамкорлик йўлга қўйди, деб хабар берди Uzbekistan 24.
21 август куни таниқли сухандон Раъно Жўраева «Ўзбекистон 24» телеканалининг эфир бошловчилари учун илк маҳорат сабоқларини ўтди. Машғулотларда асосий урғу эфир маданияти, техникаси, унинг ўзига хос хусусиятлари ҳақида бўлди.
Режага кўра, навбатдаги семинар тренинглар Галина Мелникова, Фарход Бобожонов, Шаҳноза Ғаниева каби соҳа мутахассислари иштирокида бўлиб ўтади.
Изоҳ (0)