Америкалик актёр ва комик Жерри Льюис Лас-Вегасда 92 ёшида вафот этди. Бу ҳақда «РИА Новости» хабар бермоқда.
Актёр бир неча йил давомида саратон касаллиги билан курашиб келгани билдирилмоқда.
Жерри Льюис АҚШда Дин Мартин билан биргаликдаги комедик жуфтлик иштирокчиси сифатида танилганди. Шунингдек, «Бу телба, телба дунё», «Йўлак қаровчиси», «Ақлдан озган профессор» (актёр ва режиссёр сифатида) каби фильмларда суратга тушди.
Льюис кўплаб нуфузли мукофотлар, жумладан, «Эмми» ва «фахрий Оскар» — Жин Хершолт номли мукофот билан тақдирланганди.
Изоҳ (0)