«Миллий матбуот маркази»да «Ўзбеккино» миллий агентлиги томонидан «Мустақиллик йилларида миллий кинематография санъати: кеча, бугун ва эртага» мавзусида матбуот анжумани оътказилди. Матбуот анжуманида агентлик раҳбарияти, кино режиссёрлар, сценаристлар, тизим ташкилотлари раҳбарлари, ОАВ ходимлари қатори журналист Феруз Муҳаммад ҳам иштирок этди.
Тадбирда «Ўзбеккино» миллий агентлиги бош директори Отабек Мусаев йиғилган журналистларнинг барча саволларига очиқ-ойдион жавоб берди.
- «Ўзбеккино» миллий агентлиги томонидан суратга олинаётган фильмлар учун ажратилган маблағнинг 49 фоизи солиқлар туфайли ушланиб қолиниши ростми? Дейлик режиссёрга бир миллиард сўм пул бериладиган бўлса, шунинг деярли тенг ярми улардан қайтарилиб олинар экан. Бундан ташқари пулни кўчириш ишлари, оворагарчиликлар туфайли жуда кам пул режиссёрга етиб борар экан. Бу биз талаб қилаётган фильмларни суратга олишга етарли маблағ эмаску…, юқорида санаб ўтилган сабаблар ва маълумотларим қанчалик асосли, шунга ойдинлик кирицангиз
- Жуда ҳам 50 фоиз эмаску, аммо шунга яқин.
- Айнан қанча, шунга аниқроқ ёндошсангиз?
- 47 фоиз ушланиб қолинади.
- Унда нега режиссёрларга 1 миллиард сўм ажратилади дейилади? Аниқ маблағини, аниқ рақамларни айтишнинг иложи йўқми? Чунки биз режиссёрлардан сизлар миллиард сўмлик маблағни олиб, пулга яраша фильм ишламаяпсизлар деган савол билан уларни қийнаймиз
- Ниҳоятда муҳим масалани кўтардингиз. Бу масалани биз илгари ҳам кўтарган эдик. Яна қайтариб ўтаман, «Ўзбекфильм» киностудияси акциядорлик жамияти ҳисобланади, ҳужжатли ва илмий-оммабоп фильмлар масъулияти чекланган жамиятининг ҳуқуқий мақомини ўзгартириш масаласи қўйилган, октябрь ойигача бу масалани ҳал қилишимиз керак. Бу ерда солиқ тўлаш базасини ҳам қайта кўриб чиқиш масаласи қўйилган. Бу маблағ билан боғлиқ масала бўлгани учун анча синчковликни талаб қилади, лекин синчковлик деганимиз билан бу масалани чўзмоқчи эмасмиз, бир ярим, икки ой ичида бу масала ҳал қилинади. Бу солиқни 47 фоиздан 20 фоизгача тушириш масаласи белгилаб қўйилган ва Оъзбекистон Республикаси Президентининг «Миллий кинематографияни янада ривожлантириш чора-тадбирлари то‘ғрисида»ги қарорига мувофиқ октябрь ойида таклифингни киритасан дея белгилаб қўйилган.
Мен хусусий студиялар томонидан ёки давлат буюртмаси асосида суратга олинган фильмлар дея фильмларни иккига ажратилишига қаршиман. Бугунги кунда хусусий студиялар билан қўшма лойиҳаларни ишлаб чиқариш, хусусий студияларда фаолият олиб бораётган, интилиши бор ижодкорларни қўллаб қувватлашни, биргаликда фильм суратга олишни режалаштирганмиз. Мисол учун режиссёр Жаҳонгир Аҳмедов ўзининг студиясидан давлат буюртмаси билан ишга тушади.
Изоҳ (0)