Ҳиндистон шарқидаги Ассам, Бихар ва Ғарбий Бенгалия штатларида 360 дан ортиқ киши сув тошқини қурбонларига айланди, деб ёзади «ТАСС».
Ушбу ҳудудда сув ҳавзалари ва дарёлар сўнгги ҳафта давомида тўхтовсиз ёғаётган кучли муссон жалалари туфайли тўлиб-тошиб кетди.
NDTV телеканали маълумотларига кўра, Бихар штати энг мушкул ҳолатда бўлиб, у ерда офат 153 кишини ҳаётдан олиб кетди. Қутқарув операцияларида ёрдам бериш учун Бихарга фавқулодда ҳолатларда чоралар кўриш миллий кучларининг 28 та бўлинмаси, шунингдек, 1765 та дала ошхонаси жойлаштирилди, улар 350 мингга яқин кишига хизмат кўрсатмоқда.
Оғирлиги бўйича иккинчи ўриндаги ҳолат Ассам штатида қайд этилди, у ерда 144 киши ҳалок бўлди. Ғарбий Бенгалиядаги тошқинларда эса 52 киши қурбон бўлди. Офатдан Уттар-Прадеш штатининг шарқий қисми ҳам зарар кўрди, у ерда қурбонлар сони 14 кишини ташкил этди.
Изоҳ (0)