Туркия президенти Ражаб Тоййиб Эрдўғон Германия ташқи ишлар вазири Зигмар Габриэлни Анқарага панд-насиҳат қилмасдан, ўз ўрнини билишга чақирди, деб ёзади «ТАСС». Бу ҳақда у Денизли шаҳри халқи қаршисида нутқ сўзлаётиб айтиб ўтди.
«У ҳеч нарсани тушунмайди. Сен ким бўлибсанки, Туркия Республикаси президенти билан гаплашасан? Туркия ташқи ишлар вазири билан гаплаш. Ўз ўрнингни бил, бизга панд-насиҳат ўқиш керак эмас», — деди Эрдўғон Габриэлга қарата.
Республика президенти, шунингдек, «Германия Туркия учун ўз эшикларини очиш-очмаслиги унинг учун ҳеч қандай аҳамиятга эга эмас»лигини таъкидлади. «Бизга эшиклар етади. Биз учун эшикларини очганлар билан мамнун бўлиб яқинлашамиз. Биз ҳам улар учун эшикларимизни очамиз», — деди Эрдўғон.
18 август куни Туркия президенти Ражаб Тоййиб Эрдўғон Германияда истиқомат қилувчи туркларни бўлғуси сайловларда канцлер Ангела Меркель ҳамда Социал-демократик партия етакчиси Мартин Шульцга овоз бермасликка чақирди.
Ўз навбатида, Габриэль Эрдўғоннинг изоҳини кескин танқид остига олди. Германия ташқи ишлар вазири аҳолини мамлакат суверенитетига аралашувга қарши туришга даъват этди.
Изоҳ (0)