Белгород вилоятида Валуйка шаҳрида ўқотар қуролдан отиб ўлдирилган уч киши — 55 ёшли эр-хотин ва уларнинг 29 ёшли ўғли жасади топилгани бўйича жиноий иш қўзғатилди. Бу ҳақда Россия Тергов қўмитаси вилоят бошқармаси маълум қилди.
Полицияга 18 август, жума куни кечки пайт маҳаллий фуқаро қўнғироқ қилиб, унга таниш оила алоқага чиқмаётгани ҳақида хабар берди.
Дастлабки маълумотларга кўра, ўлдирилган шахслар қурилиш бизнеси, хусусан, қурилиш материаллари ва уй учун маҳсулотлар сотиш билан шуғулланган.
ОАВ жиноятга талончилик сабаб бўлган бўлиши мумкинлигини билдирмоқда.
Жасадлар суд-тиббий экспертизаси ўтказиш учун жўнатилди, марҳумларнинг қўшнилари ва ҳамкасблари сўроқ қилинмоқда.
Изоҳ (0)