Samsung компанияси 2016 йилнинг июль ойида Artel ишлаб чиқариш базаларида Samsung бренди остидаги музлатгичларни ишлаб чиқаришни йўлга қўйди. Бундай кенг кўламли лойиҳани ишлаб чиқиш ва йўлга қўйиш Artel компаниясининг тажрибали мутахассислари ҳамда Samsung Electronics экспертлари билан ҳамкорликда амалга оширилди.
Ўзбекистонда Samsung музлатгичларини ишлаб чиқариш учун Artel заводларининг танланиши бежиз эмас. Artel заводларида замонавий асбоб-ускуналар ва тажрибавий иқлим лабораторияларининг мавжудлиги Samsung каби жаҳон гигантининг юқори меъёр ва стандартларига мос келувчи маҳсулотларни ишлаб чиқаришга яхши асос бўлади.
Таъкидлаб ўтиш лозимки, Artel маҳсулотларини ишлаб чиқариш жараёнида сифатни қаттиқ назорат қилиш йўлга қўйилган бўлиб, бу жараён ҳатто кичик камчиликларни топа олишга қодир. Бу эса ўз навбатида ишлаб чиқарилаётган маҳсулотнинг юқори сифатини таъминлайди.
Ҳозирги пайтда Samsung музлатгичларининг ҳажми 290 ва 320 литр бўлган 4 та моделини ишлаб чиқариш ўзлаштирилган. Бу моделлар истеъмолчилар хоҳиши ва талабидан келиб чиқилган ҳолда конфигурацияси ва музлатиш камерасининг жойлашуви билан фарқланади. Барча музлатгичгичлар қатор фойдали ишланмаларга эга бўлиб, энергосамарадорликнинг юқори синфи — А+ тоифасига киради.
Samsung музлатгичларида қўлланилаётган сўнгги технологик ишланмалар орасида Multi Air Flow кўп оқимли совитиш тизимига тўхталиб ўтиш лозим.
У совуқ ҳавони барча бўлимлар ўртасида тез ҳамда бир ҳажмда тақсимлаш имконини беради. Шу туфайли музлатгичдаги ҳар бир маҳсулот керакли нам ва совуқ миқдори билан таминланади, бу эса маҳсулотларингиз янги ҳолда, узоқ вақт давомида сақланишини кафолатлайди.
Samsung музлатгичлари электр тармоқдаги ўзгаришларга бардошли бўлиб, кучланиш 187 вольт бўлганда ҳам ишлаши мумкин.
Яқин ўтмишда ҳар бир уй бекаси албатта ҳар ой музлатгични эритиши талаб этиларди. Бу оғир ва машаққатли жараён бўлиб, уларнинг дам олиш кунини ярмини қамраб олар эди. Бироқ барчаси No Frost тизими пайдо бўлиши билан ўзгарди, у туфайли музлатиш камераси деворларида музли «пўстинлар» пайдо бўлмайди, совутгич қисмида эса ҳаво айланиши мос ҳароратга келтирилади ва бунда маҳсулотлар янги ҳамда витаминларга бой ҳолда сақланади.
Совитиш бўлимининг ҳажми 250 литрга тенг бўлиб, бундай ҳажм катта оиланинг озиқ-овқатга бўлган эҳтиёжини қондира олади. Бундан ташқари, тобланган шишадан тайёрланган Easy Слиде чиқарилувчи полкаси кўзингизни қувонтиради. У музлатгичнинг орқа девори ёнида жойлаштирилган маҳсулотларни осонлик билан чиқариб олиш имконини яратади.
Музлатиш камерасига келадиган бўлсак, Samsung RB29FERNDSA_WW ва Samsung RB29FSRNDSA_WW моделларидаги 98 литрлик ҳажм анча катта миқдордаги гўшт маҳсулотлари, шунингдек, сабзавотлар ва меваларни сақлаш имкониятини яратади.
Samsung музлатгичлари инверторли компрессорлар билан жиҳозланган бўлиб, у тежамкорлиги, ишончлилиги, узоқ муддат ишлаши, шунингдек, оддий моторлар билан солиштирганда шовқиннинг паст даражаси билан ажралиб туради. Инверторли компрессор ўз самарадорлиги туфайли кам қувват истеъмол қилади ва Сизнинг электр энергияси учун тўловларингизни камайтиради.
Яқин орада Ўзбекистонда ишлаб чиқарилувчи Samsung музлатгичларининг модель қатори ҳажми 302 ва 310 литр бўлган яна иккита — RT-29 ҳамда RB-31 модели билан тўлдирилиши режалаштирилмоқда.
Artel заводларида ишлаб чиқарилаётган Samsung музлатгичлари харидорлар талаб ва истакларидан келиб чиққан ҳолда тақдим этилмоқда. Шубҳасиз, бундай ҳамкорлик аҳолининг ҳаёт даражасига ижобий таъсир кўрсатади. Бугунга келиб дунёга машҳур Samsung бренди остида ишлаб чиқарилаётган сифатли ва технологик жиҳозланган маҳсулотларни харид қилиш Ўзбекистон аҳолиси учун янада қулай бўлди.
Реклама ҳуқуқи асосида
Изоҳ (0)