Samsung kompaniyasi 2016-yilning iyul oyida Artel ishlab chiqarish bazalarida Samsung brendi ostidagi muzlatgichlarni ishlab chiqarishni yo‘lga qo‘ydi. Bunday keng ko‘lamli loyihani ishlab chiqish va yo‘lga qo‘yish Artel kompaniyasining tajribali mutaxassislari hamda Samsung Electronics ekspertlari bilan hamkorlikda amalga oshirildi.
O‘zbekistonda Samsung muzlatgichlarini ishlab chiqarish uchun Artel zavodlarining tanlanishi bejiz emas. Artel zavodlarida zamonaviy asbob-uskunalar va tajribaviy iqlim laboratoriyalarining mavjudligi Samsung kabi jahon gigantining yuqori me’yor va standartlariga mos keluvchi mahsulotlarni ishlab chiqarishga yaxshi asos bo‘ladi.
Ta’kidlab o‘tish lozimki, Artel mahsulotlarini ishlab chiqarish jarayonida sifatni qattiq nazorat qilish yo‘lga qo‘yilgan bo‘lib, bu jarayon hatto kichik kamchiliklarni topa olishga qodir. Bu esa o‘z navbatida ishlab chiqarilayotgan mahsulotning yuqori sifatini ta’minlaydi.
Hozirgi paytda Samsung muzlatgichlarining hajmi 290 va 320 litr bo‘lgan 4 ta modelini ishlab chiqarish o‘zlashtirilgan. Bu modellar iste’molchilar xohishi va talabidan kelib chiqilgan holda konfiguratsiyasi va muzlatish kamerasining joylashuvi bilan farqlanadi. Barcha muzlatgichgichlar qator foydali ishlanmalarga ega bo‘lib, energosamaradorlikning yuqori sinfi — A+ toifasiga kiradi.
Samsung muzlatgichlarida qo‘llanilayotgan so‘nggi texnologik ishlanmalar orasida Multi Air Flow ko‘p oqimli sovitish tizimiga to‘xtalib o‘tish lozim.
U sovuq havoni barcha bo‘limlar o‘rtasida tez hamda bir hajmda taqsimlash imkonini beradi. Shu tufayli muzlatgichdagi har bir mahsulot kerakli nam va sovuq miqdori bilan taminlanadi, bu esa mahsulotlaringiz yangi holda, uzoq vaqt davomida saqlanishini kafolatlaydi.
Samsung muzlatgichlari elektr tarmoqdagi o‘zgarishlarga bardoshli bo‘lib, kuchlanish 187 volt bo‘lganda ham ishlashi mumkin.
Yaqin o‘tmishda har bir uy bekasi albatta har oy muzlatgichni eritishi talab etilardi. Bu og‘ir va mashaqqatli jarayon bo‘lib, ularning dam olish kunini yarmini qamrab olar edi. Biroq barchasi No Frost tizimi paydo bo‘lishi bilan o‘zgardi, u tufayli muzlatish kamerasi devorlarida muzli “po‘stinlar” paydo bo‘lmaydi, sovutgich qismida esa havo aylanishi mos haroratga keltiriladi va bunda mahsulotlar yangi hamda vitaminlarga boy holda saqlanadi.
Sovitish bo‘limining hajmi 250 litrga teng bo‘lib, bunday hajm katta oilaning oziq-ovqatga bo‘lgan ehtiyojini qondira oladi. Bundan tashqari, toblangan shishadan tayyorlangan Easy Slide chiqariluvchi polkasi ko‘zingizni quvontiradi. U muzlatgichning orqa devori yonida joylashtirilgan mahsulotlarni osonlik bilan chiqarib olish imkonini yaratadi.
Muzlatish kamerasiga keladigan bo‘lsak, Samsung RB29FERNDSA_WW va Samsung RB29FSRNDSA_WW modellaridagi 98 litrlik hajm ancha katta miqdordagi go‘sht mahsulotlari, shuningdek, sabzavotlar va mevalarni saqlash imkoniyatini yaratadi.
Samsung muzlatgichlari invertorli kompressorlar bilan jihozlangan bo‘lib, u tejamkorligi, ishonchliligi, uzoq muddat ishlashi, shuningdek, oddiy motorlar bilan solishtirganda shovqinning past darajasi bilan ajralib turadi. Invertorli kompressor o‘z samaradorligi tufayli kam quvvat iste’mol qiladi va Sizning elektr energiyasi uchun to‘lovlaringizni kamaytiradi.
Yaqin orada O‘zbekistonda ishlab chiqariluvchi Samsung muzlatgichlarining model qatori hajmi 302 va 310 litr bo‘lgan yana ikkita — RT-29 hamda RB-31 modeli bilan to‘ldirilishi rejalashtirilmoqda.
Artel zavodlarida ishlab chiqarilayotgan Samsung muzlatgichlari xaridorlar talab va istaklaridan kelib chiqqan holda taqdim etilmoqda. Shubhasiz, bunday hamkorlik aholining hayot darajasiga ijobiy ta’sir ko‘rsatadi. Bugunga kelib dunyoga mashhur Samsung brendi ostida ishlab chiqarilayotgan sifatli va texnologik jihozlangan mahsulotlarni xarid qilish O‘zbekiston aholisi uchun yanada qulay bo‘ldi.
Reklama huquqi asosida
Izoh (0)