Ҳиндистон шарқидаги Биҳар штатида юз берган сув тошқинлари оқибатида 9,6 миллион киши жабрланди. Бу ҳақда «Корреспондент.net» хабар бермоқда.
Сув тошқинлари кетма-кет уч кун давомида кузатилган кучли ёғингарчилик оқибатида юз берган. Патна шаҳридан шимол ва шарқда жойлашган кўплаб ҳудудлар сув остида қолган.
Табиий офат штатнинг 12 туманини қамраб олган ва сув тошқинлари билан боғлиқ вазият ёмонлашиб бормоқда. Ҳодиса оқибатида 91 киши ҳалок бўлган, қутқарувчилар минглаб одамларни хавфсиз ҳудудга кўчирган.
Маҳаллий маъмурият жабрланувчилар учун муваққат бошпаналар ташкил этган, табиий офатдан зарар кўрган ҳудудларга озиқ-овқат ва бошқа маҳсулотларни етказиш учун иккита вертолёт жалб этилган.
Изоҳ (0)