Филиппинда ҳуқуқ-тартибот органларининг наркотик моддаларнинг тарқалишига қарши оммавий рейдлари давомида гиёҳванд моддаларнинг ноқонуний айланмасига алоқадорликда гумон қилинган 32 киши йўқ қилинган. Бу ҳақда «Интерфакс» хабар бермоқда.
Агентликнинг қайд этишича, Филиппин президенти Родриго Дутерте томонидан бир йил аввал эълон қилинган гиёҳванд моддалар айланмасига қарши умуммиллий кураш доирасида ҳали ҳеч бир кунда бунчалик кўп одам ўлдирилмаган эди.
Полиция мамлакат шимолидаги Булакан вилоятида 67 та рейд ўтказган бўлиб, 109 киши ҳибсга олинган. 200 килограммдан зиёд метамфетамин, 780 килограммдан ортиқ марихуана гиёҳванд моддалари, турли ўқотар қуроллар ва гранаталар мусодара қилинган.
Associated Press агентлиги ахборотига кўра, Родриго Дутерте ҳокимият тепасига келганидан бери наркотикларни тарқатишда гумон қилинган 3.2 мингдан зиёд одам йўқ қилинган. Наркосавдо билан алоқадор яна 2 мингдан ортиқ киши бошқа сабабларга кўра ҳалок бўлган.
Изоҳ (0)