Россиянинг Тижикистонга жойлаштирилган 201-ҳарбий базаси бўлинмалари «Град» ва «Ураган» бараварига ўқ отиш тизимлари иштирокидаги тактик ўқув машқлари доирасида тревога билан турғизилди, деб ёзади «ТАСС» Марказий ҳарбий округ қўмондони ёрдамчиси полковник Ярослав Рошчупкинга таяниб.
«Жангчилар гуруҳи ва экипажлар Тожикистон-Афғонистон чегараси яқинидаги Харб-Майдон полигони ҳудудида маршларни амалга оширишга киришди. Улар тоғ айланма йўллари бўйлаб 300 км масофани босиб ўтиши керак. Колоннага Ми-8 ва Ми-24 вертолётлари ҳаводан ҳамроҳлик қилади», — деди у.
Ҳарбий машқларга 800 дан ортиқ ҳарбий хизматчи ва 100 дан зиёд техника жалб қилинган. Манёврлар иштирокчилари тезкор шароитда мудофаа олиб бориш, ҳужумга ўтиш, ноқонуний қуролли гуруҳларни қуршовга олиш ва йўқ қилишни машқ қилмоқда.
Изоҳ (0)