Rossiyaning Tijikistonga joylashtirilgan 201-harbiy bazasi bo‘linmalari “Grad” va “Uragan” baravariga o‘q otish tizimlari ishtirokidagi taktik o‘quv mashqlari doirasida trevoga bilan turg‘izildi, deb yozadi “TASS” Markaziy harbiy okrug qo‘mondoni yordamchisi polkovnik Yaroslav Roshchupkinga tayanib.
“Jangchilar guruhi va ekipajlar Tojikiston-Afg‘oniston chegarasi yaqinidagi Xarb-Maydon poligoni hududida marshlarni amalga oshirishga kirishdi. Ular tog‘ aylanma yo‘llari bo‘ylab 300 km masofani bosib o‘tishi kerak. Kolonnaga Mi-8 va Mi-24 vertolyotlari havodan hamrohlik qiladi”, — dedi u.
Harbiy mashqlarga 800 dan ortiq harbiy xizmatchi va 100 dan ziyod texnika jalb qilingan. Manyovrlar ishtirokchilari tezkor sharoitda mudofaa olib borish, hujumga o‘tish, noqonuniy qurolli guruhlarni qurshovga olish va yo‘q qilishni mashq qilmoqda.
Izoh (0)