АҚШ мудофаа вазирлиги Ироқдаги икки америкалик ҳарбий хизматчи артиллериядан хатолик билан ўқ узилиши натижасида ҳалок бўлганини маълум қилди, деб ёзади «Газета.ru» Пентагон расмий вакили Роберт Меннингга таяниб.
«Артиллерия қурилмаси ИШИД томонидан миномётдан ўқ ёғдирилишига жавобан ўт очаётган эди. Шу лаҳзада хатолик юзага келди, етти киши жабрланди», — деди у.
Аммо Пентагондагилар хатоликка нима сабаб бўлганини маълум қилмади.
Шунингдек, Америка ҳарбий муассасаси баёнотида айтилишича, бруклинлик (Нью-Йорк штати) сержант Рошейн Брукс ва Арлингтон (Техас штати)дан сержант Кичик Аллен Стиглер ҳалок бўлган. Иккала ҳарбий ҳам парашютчиларнинг 82-ҳаво-десант дивизияси аъзолари бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)