Агар Пхеньян АҚШнинг Тинч океанидаги Гуам оролида жойлашган ҳарбий базалари томонга баллистик ракета учиришга қарор қилса, Япония ўз-ўзини мудофаа қилиш кучлари уларни тўхтатиб қолиши мумкин. Бундай фикрни Япония мудофаа вазири Ицунори Онодэра маълум қилди, деб ёзади «ТАСС».
«Агар бу (ўз-ўзини мудофаа қилиш кучларининг) учта талабига мос келса, унда биз жавоб чорасини кўра оламиз. Япония мудофаа қалқони ролини ўз зиммасига олади, АҚШнинг роли эса зарбалар бериш орқали тийиб туришдан иборат», — деди у.
Икки йил аввал Японияда қабул қилинган ўз-ўзини мудофаа қилиш кучлари ваколатларини кенгайтириш тўғрисидаги қонунга мувофиқ, мамлакат хавфсизлигига бевосита таҳдид мавжуд бўлса ва уни қайтариш учун бошқа воситалар бўлмаса, уни қўллаш мумкин.
Эслатиб ўтамиз, КХДР ҳарбийлари Гуам оролидаги Америка ҳарбий базалари жойлашган ҳудудга ракетали зарба бериш режасини август ўрталарида ишлаб чиқиш ниятини маълум қилди.
Изоҳ (0)