Тошкент метросининг баъзи бекатларида кечқурун соат 19:00 дан кейин иккита вестибулнинг бири ёпилади. Халқаро пресс-клубнинг 9 августда бўлиб ўтган йиғилишида ана шу масала ўртага ташланди.
Саволга «Ўзбекистон темир йўллари» АЖ бошқаруви раиси ўринбосари ва «Тошкент метрополитени» унитар корхонасининг раҳбари Ойбек Худойқулов жавоб берди.
Унинг сўзларига кўра, вестибуллардан бирининг 19:00 дан кейин ёпилишига йўловчилар оқимининг камайгани сабаб бўлган. Айни вақтда Тошкент метросидан бир суткада 200 минг киши фойдаланмоқда.
«Юнусобод йўналишининг иккита бекати ва Сергели йўналиши қуриб битказилгач йўловчилар сонининг 50 фоизга кўпайиши, яъни 300 минг кишига етиши кутилмоқда», — деб қўшимча қилди Ойбек Худойқулов.
«Олмазор», «Беруний», «Пахтакор» каби бекатлар яқинидаги автобусларнинг охирги бекатлари олиб ташланиши оқибатида метро йўловчилари сони камая бошлади. Натижда 2014 йилни 14 миллиард сўм, 2015 йилни 10 миллиард сўм зиён билан якунладик. Юзага келган қийин вазиятни бартараф қилиш ва метрополитеннинг аҳволини яхшилаш мақсадида 2016 йилдаги Президент қарори билан Тошкент метрополитени «Ўзбекистон темир йўллари» таркибига ўтказилди.«Метрополитен йўловчиларини кўпайтириш мақсадида «Тошшаҳартрансхизмат» билан ҳамкорликда метро йўналишларини такрорловчи автобус йўналишларини қисқартириш борасида ишлар олиб боряпмиз», — деди Ойбек Худойқулов.Ойбек Худойқулов, «Ўзбекистон темир йўллари» АЖ бошқаруви раиси ўринбосари
Изоҳ (0)