Халқаро пресс-клубнинг 9 августда бўлиб ўтган йиғилишида Ўзбекистон темир йўллари тизими ва Тошкент метрополитени фаолияти юзасидан муҳокамалар бўлиб ўтди.
Йиғилишда иштирок этган «Ўзбекистон темир йўллари» АЖ бошқаруви раиси ўринбосари Ойбек Худойқуловнинг маълум қилишича, ҳозирги вақтда Тошкент метрополитени «Тошшаҳартрансхизмат» билан ҳамкорликда метро ва жамоат транспортида электрон тўлов карталарини жорий этиш бўйича иш олиб бормоқда.
Айни вақтда электрон карталардан фойдаланиш мумкин бўлган турникет Тошкент метросининг «Мустақиллик майдони» бекатида ўрнатилган. Ҳозирда маҳаллий ишлаб чиқарувчи томонидан тайёрланган электрон карталар синовдан ўтказилмоқда.
Бир вақтнинг ўзида «Тошкент метрополитени» унитар корхонасининг раҳбари ҳисобланган Ойбек Худойқуловнинг айтишича, бу борада бир қатор мамлакатлар тажрибаси ўрганиб чиқилган. Синовлар муваффақиятли ўтса, электрон карталардан фойдаланиш бошқа бекатларда ҳам жорий этилиши режалаштирилмоқда.
Изоҳ (0)