Руанда давлат раҳбари Пол Кагаме навбатдаги президент сайловида 98,6 фоиз овоз тўплаби, янги муддатга қайта сайланди. Бу ҳақда «Газета.ru» хабар бермоқда.
«Пол Кагаме 98,63 фоиз овозни қўлга киритиб, сайловда ғолиб чиқди», — дея маълум қилди Миллий сайлов комиссияси раҳбари Калиса Мбанда.
Шундай қилиб, Кагаме яна етти йил давомида мамлакатга раҳбарлик қилади.
Associated Press’нинг қайд этишича, 2015 йилги конституциявий ислоҳот Кагаменинг 2034 йилга қадар ҳокимият тепасида қолишига имкон беради.
Агентликнинг қўшимча қилишича, Руанда халқи мамлакатдаги иқтисодий ўсиш учун Кагамега миннатдорлик билдиради, бироқ ҳуқуқ ҳимоячиларининг фикрича, президент «мухолифатнинг овозини ўчириш учун барча воситаларни ишга солади».
Маълумот учун, Пол Кагаме 2000 йилдан бери Руандага президентлик қилиб келади.
Изоҳ (0)