Жазирама сабаб Европанинг ўн мамлакатида хавфнинг «қизил» даражаси эълон қилинди

Фавқулодда жазирама сабаб Европанинг ўн мамлакатида хавфнинг «қизил» даражаси эълон қилинди. Бу ҳақда «Коммерсантъ» хабар бермоқда.

Эуметнет Европа метеохизматлари тармоғи маълумотларига кўра, Венгрия, Швейцария, Босния ва Герцеговина, Италия, Черногория, Хорватия, Сербия, Руминия, Польша ва Словенияда ҳаво ҳарорати +50 даражага етган.

More heatwave #RedAlerts across Europe. Follow your national meteorological and health services for more info. https://t.co/Tm3lawzU1q pic.twitter.com/jgUgjdZ9VF

— World Meteorological Organization (@WMO) August 4, 2017

Шунингдек, Испания, Франция, Австрия, Германия, Македония, Греция ва Болгарияда хавфнинг «оловранг» даражаси эълон қилинган. Бу мамлакатларда ҳаво ҳарорати +40 даражагача кўтарилган.