АҚШ бошлиқ халқаро коалиция кучлари Суриянинг Раққа шаҳридаги госпиталга фосфорли бомбалар билан зарба берди. Бу ҳақда «Коммерсантъ» хабар бермоқда.
«Госпитал 20 дан зиёд снарядлар воситасида бомбардимон қилинди, улар электрогенераторлар, тез ёрдам машиналари ва госпитал ичидаги бўлимларга қарши қаратилган эди», — дейди «Қизил Ярим Ой»нинг маҳаллий бўлинмаси раҳбари ўринбосари, Раққада истиқомат қилувчи Дину ал-Асад.
Унинг сўзларига кўра, госпиталда ИШИД террорчилик ташкилоти жангарилари бўлмаган. Ал-Асаднинг қайд этишича, госпитал шаҳардаги тахминан 100 минг аҳолига хизмат кўрсатади.
Аввалроқ Human Rights Watch (HRW) ҳуқуқни ҳимоя қилиш ташкилоти ўз ҳисоботида АҚШни Сурияда фосфорли бомбалардан фойдаланишдан тийилишга чақирган эди.
Изоҳ (0)