Самарқандда вилоят тадбиркорлари ва Хитойнинг Гуанчжоу шаҳридаги Canton Fair ярмаркаси ташкилотчилари ўртасида телекўприк шаклида учрашув бўлиб ўтди, деб хабар берди ЎзА.
2013 йилда Самарқанд вилояти ва Шаньси провинцияси ўртасида биродарлик алоқалари йўлга қўйилгани тадбиркорлар учун ҳам кенг имкониятлар яратди. Бугунги кунда вилоятда Хитой капитали иштирокида 40 дан ортиқ корхона фаолият кўрсатмоқда. Ҳудудлар ишбилармонларининг ҳамкорликда бизнес форумлар ўтказиши мунтазамлик касб этган. 2016 йилда Самарқандда «Ўзбекистон—Хитой бизнес форуми ва кооперацион биржаси» бўлиб ўтган эди. Бу гал тадбиркорлар телемулоқот орқали ҳамкорлик истиқболларини муҳокама қилди.
Баҳор ва куз фаслларида бўлиб ўтадиган Canton Fair ярмаркаси жаҳон миқёсида ҳам йирик кўргазмалардан ҳисобланади. Уч босқичда ўтказиладиган кўргазмада машина ва махсус ускуналар, эҳтиёт қисмлар, қурилиш ва тайёрлов материаллари, керамика, ойна, металл, мебеллар, тиббиёт жиҳозлари, маиший техникалар, текстил ва фурнитура маҳсулотлари намойиш этилади.
Ўзбекистонлик тадбиркорлар билан иқтисодий алоқаларни мустаҳкамлаш ва ҳамкорликни ривожлантиришдан манфаатдормиз. Шунинг учун ярмаркада юртингиздаги ишбилармонлар ўз маҳсулотларини кўпроқ намойиш этишларини истаймиз. Ярмарка павильонлари Хитойнинг энг йирик кўргазмалари ўтадиган қисмида жойлашган ва унда маҳаллий ҳамда хорижий давлатларнинг йирик компаниялари томонидан ишлаб чиқариладиган маҳсулотлар намойиш этилади. Ҳамкорлигимиз самарасида юртингиздан ташриф буюрадиган иштирокчилар янада кўпаяди.Телемулоқотда Хитойнинг Хэнань провинцияси делегациясининг жорий йил 12—14 июль кунлари Самарқанд вилоятига ташрифи давомида ички ва халқаро туризм, соғлиқни сақлаш, таълим, қишлоқ хўжалиги ва бошқа соҳаларда ҳамкорликни ривожлантириш бўйича ишлаб чиқилган 10 дан ортиқ лойиҳани амалга ошириш, бу борада белгиланган чора-тадбирлар ижроси ҳам муҳокама қилинди.Хан Сибау, ярмарка ташкилотчиларидан бири
Изоҳ (0)