Валенсия қонунчилик мажлиси ўн йилдан бери ишга келмай, маош олиб турган вилоят архиви ходимини ишдан бўшатди. Бу ҳақда «РИА Новости» хабар бермоқда.
Карлес Ресио 2006 йилдан бошлаб ҳар йили 50 минг евродан олиб турган. У ишга 7:00 да келиб, электрон тизимда ўзининг ишга келгани ҳақида қайд қолдирган, ярим соат ўтгач, ишхонани тарк этиб, 16:00 да ишдан чиқиб кетгани ҳақида қайд қолдириш учун қайтиб келган.
Унинг айтишича, у «ҳар доим бир ишни қилган — қоғозлар билан ишлаган» ва, унинг фикрича, бу қора иш ҳисобланади. «Иш»дан бўш вақтида эса комикслар чизганини айтган. Маълум бўлишича, у архивга ишга киргунига қадар ўз уйида ишратхона ташкил этган.
Ҳозирги вақтда Карлес Ресио шифохонада даволанмоқда. Депутатлар эса Ресионинг бевосита бошлиғи — архив директори Мария Хосе Гилга нисбатан қандай чора кўриш ҳақида бош қотирмоқда.
Изоҳ (0)