Американинг Оклахома штати Лекуаир шаҳрида яшовчи 72 ёшли аёл ўзининг жасурлиги билан маҳаллий юлдузга айланди. Аёлнинг қўшниси сўзларига кўра, у бир сутка давомида уйига кириб қолган 11 та заҳарли илонни ўлдирган. Аёл қутқарувчиларни ёрдамга чақиришни ҳам ўйламаган. Бу ҳақда, Daily Mail’га таяниб, «Вести.ru» хабар бермоқда.
«Қўшним миссис Ньюби илонларнинг ҳақиқий қотили! Кеча кечқурун у 11 та илонни ўлдирди! Агарда сизга ёрдам керак бўлиб қолса, унга мурожаат қилинг. Унинг ёши 72 да», — деб ёзади нафақахўр Сюзан Томпсон Facebook’даги саҳифасига.
Томпсоннинг сўзларига кўра, Ньюби ўзи ҳамда яқинларининг хавфсизлигини таъминлаш мақсадида ов милтиғи, белкурак ва паншахадан фойдаланган.
Ньюбининг қариндошлари қўшимча қилишича, аёл кечаси боғига кириб қолган яна тўртта илонни ўлдирган.
Шаҳарнинг кўплаб аҳолиси ижтимоий тармоқларда бу каби жасур ҳамшаҳари борлигидан фахрланишини ёзмоқда.
Изоҳ (0)