Туркманистон президенти Гурбангули Бердимуҳамедов шахсан ўзи ўқотар қуролдан ўқ отиш ва пичоқ улоқтириш бўйича кўникмаларини мамлакат қуролли кучлари генералларига намойиш этди. Ашхобод остонасида бўлиб ўтган ҳарбий машғулотлар вақтида президентнинг ҳаракатлари видеоси «Туркманистон хроникалари» томонидан эълон қилинган.
Видеода Бердимуҳамедов машғулот жойига йўлтанламас машинада келганини, сўнг автоматик милтиқ ва тўппончадан ўқ отиш ҳамда пичоқ улоқтириш бўйича маҳоратини намойиш этганини кўриш мумкин. Юқори мартабали ҳарбийлар Туркманистон давлат раҳбарининг ҳаракатларини қарсаклар билан олқишлар турган.
Машғулотлар якунига етгач, Бердимуҳамедов ўзи илма-тешик қилган қоғоз нишонларга дастхат қўйиб берган.
Изоҳ (0)