АҚШ ҳарбий-ҳаво кучлари Boeing компанияси билан президент Дональд Трамп учун иккита 747-8 самолётини харид қилиш бўйича шартнома имзолашга тайёргарлик кўрмоқда. Уларни олдинроқ Россиянинг «Трансаэро» авиакомпанияси буюртма қилган эди, дея хабар беради Defense One.
Порталга кўра, «Трансаэро» тўртта 747-8 самолётини 2013 йилда буюртма қилган эди, бироқ орадан икки йил ўтиб касодга учраган авиакомпания уларни сотиб ололмади ва ҳаво кемалари Калифорниянинг Мохав саҳросида консервацияда турибди.
Ҳар бир самолёт учун АҚШ ҳарбий-ҳаво кучлари 390 миллион доллардан пул тўлаши билдирилмоқда.
Маълумот учун, 2016 йил декабрида Трамп президент авиаотрядини янгилаш дастурини танқид қилган ва бунинг учун мўлжалланган 4 миллиард долларни ҳаддан ташқари қиммат деб топган эди.
Изоҳ (0)