Хитой ҳеч кимга ўз ҳудудидан бирон бир жойни ажратиб олишга йўл қўймайди ва ўз суверенитетига путур етказилишига тоқат қилмайди. Бу ҳақда Хитой армияси ташкил топганининг 90 йиллигига бағишланган тантанли йиғилишда мамлакат раҳбари Си Цзиньпин маълум қилди, дея хабар беради «ТАСС».
«Биз ҳеч бир киши, ташкилот ёки партияга қайсидир пайт ёки қайсидир шаклда Хитойдан ҳудудининг бирон бир қисмини ажратиб олишига йўл қўймаймиз», — таъкидлади Си Цзиньпин.
Си Цзиньпинга кўра, Хитой халқи тинчликни яхши кўради. Ҳеч қачон тажовуз ёки босқинчилик ташаббускори бўлмайди, бироқ ҳар қандай ҳужумни қатъий бартараф этади.
«Ҳеч ким суверенитетимиз, хавфсизлик ва тараққиёт манфаатлари путур етказадиган ҳолатларига тоқат этишимизга умид қилмасин», — таъкидлади Хитой раҳбари.
Маълумот учун, Хитой ва Ҳиндистон чегарасида ўтган ой бошидан бери вазият мураккаблигича қолмоқда. 8 июлда икки давлат аскарлари ўртасида муштлашув юз берди ва икки томондан ҳам жабрланганлар бўлди.
Изоҳ (0)