Инсон фаолиятининг таъсири сабаб табиий шароитда яшайдиган ёввойи ҳайвонлар, жумладан, фил ҳамда йўлбарсларнинг ноёб турлари камайиб кетмоқда. Ҳиндистонда айнан шу ҳайвонларнинг одамларга ҳужум қилиши каби нохуш ҳодисалар кескин ортмоқда. Бу ҳақда маҳаллий ОАВга таяниб, «Интерфакс» хабар берди.
Ҳиндистон ҳукуматининг маълумотларига кўра, бутун мамлакат бўйлаб фил ҳамда йўлбарсларнинг ҳужуми оқибатида кунига ўртача битта одам ҳалок бўлмоқда. Ўз навбатида одамлар томонидан ҳам кунига ўртача битта қоплон ўлдирилиши маълум бўлган. Бундан ташқари мамлакат ҳудудида яшайдиган фил ва йўлбарсларнинг ноёб турлари тобора браконьерлар нишонига айланмоқда.
Ўтган ўн йил ичида Ҳиндистондаги ўрмонларнинг фаол тарзда йўқ қилиниши ва урбанизация сабаб ёввойи ҳайвонларнинг яшаш муҳити қисқариб кетди. Бунинг оқибатида ҳайвонлар одамлар яшайдиган ҳудудларга чиқишга мажбур бўлмоқда. Бу эса ўз навбатида тез-тез тўқнашувлар ҳамда ҳужумларни юзага келтирмоқда.
Изоҳ (0)