Арманистон полициячилари Арагацотн вилоятидаги мотам маросимида отишма уюштириб, тўрт кишининг ўлимига сабабчи бўлган кишининг шахсини аниқлади, деб ёзади «Интерфакс» республика полицияси матбуот хизматига таяниб.
Ҳужумда 50 ёшли Телман Калашян айбланмоқда, уни полиция қидирмоқда.
1 август, сешанба куни номаълум шахс Шамирам қишлоғидаги қабристон ҳудудида жойлашган мотам маросимлари залига бостириб кириб, меҳмонларни отиб ташлади. Ҳужум оқибатида уч киши воқеа жойида ҳалок бўлди, беш киши яраланди. Кейинроқ улардан бири касалхонада вафот этди.
«Сайга» ов милтиғи билан қуролланган шахс қочиб қолди.
Дастлабки маълумотларга кўра, жиноят маиший сабабларга кўра амалга оширилган.
Изоҳ (0)