Дилноза Кубаева «Кечиккан ҳаёт» ва «Барон» фильмларидаги ролларидан чўчиганини айтди. Бу ҳақда у «Сўғдиёна» нашрига берган интервьюсида айтиб ўтди, деб хабар бермоқда «Darakchi.uz».
«Дилнозани чўчитган роллар ҳам борми?» — дея савол берди журналист.
«Бор! ‘Кечиккан ҳаёт’ чўчитган, ‘Баронъдаги ролим ҳам шундай», — дея жавоб берди актриса.
«Кечиккан ҳаёт» ҳақида сўзлар экан, бу фильм тўғрисида гапириш у учун бироз қийинлигини айтди. «Киносиновга чақиришганида, барибир мени олишмайди, чунки бу қаҳрамон мен эмасман, деб боргандим. Лекин ростини айтишим керак, агар бу ролни мендан бошқа актриса ижро қилганида яхшироқ ўйнаган бўларди», — деди Кубаева.
«Барон»даги роли ҳақида эса қуйидагича фикр билдирди: «Кичик рол бўлгани билан вазифаси катта эди. Фильмда Фарҳод Маҳмудовнинг қаҳрамони турмуш ўртоғим эканлигини ҳам билдираман, ҳам бунинг акси. Кўп муддат кўришмаганман, соғинганман, учрашганимизда эса соғинчимни сездирмаслигим ва бир вақтнинг ўзида ҳисларимни билдира олишим лозим. Қийин-да бу».
Дилдора Юсуфбекова суҳбатлашди.
Изоҳ (0)