Суриянинг Хомс вилоятида ИШИД жангарилари томонидан уюштирилган ҳужум пайтида Russia Today агентлиги мухбири Ҳолид ал-Хатиб ҳалок бўлди. Бу ҳақда «РБК» хабар бермоқда.
Ал-Хатиб Russia Today структурасига кирувчи RT Arabic билан ҳамкорлик қилар эди.
Журналист 22 ёшда эди. У воқеаларни жойидан ёритиб бораётган эди.
RT бош муҳаррири Маргарита Симоньян Twitter’даги саҳифасида воқеага изоҳ бераркан, буни барча учун катта ҳалокат деб баҳолади.
Бундан ташқари, отишмада RT билан ҳамкорлик қилувчи оператор Муътаз Яъқуб яраланди. У шифохонага ётқизилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)