Бокуда супермаркетга келган харидорни совитиш камерасига қамаб қўйишди, натижада у ҳушидан кетди, деб ёзади «Вести.ru». Эркак ҳуқуқ-тартибот органларига ариза билан мурожаат қилган.
Ҳодиса Freshmart дўконида юз берган. Супермаркет маъмури 37 ёшли маҳаллий фуқаро — Феруз Қаҳрамонов ва унинг ўртоғи Наврўз Саъдиевни қимматбаҳо устарани ўғирлаганликда айблади. Супермаркет ходими улардан ўмарилган буюм учун 440 доллар тўлашни талаб қилган, акс ҳолда, қўриқчилар уларни жазолашини айтган.
Саъдиев уйга бориб, пул олиб келишини, ўртоғи унгача дўконда кутиб туришини айтган. Аммо бир неча соатдан сўнг эркак талаб этилаётган маблағни топа олмагани учун, қайтиб келишдан бош тортган. Шунда маъмур ва қўриқчилар воқеанинг иккинчи иштирокчиси — Қаҳрамоновни куч билан совитиш камерасига киритишган. Шундан сўнг уни чиқариб олишди, аммо супермаркетда кечасигача ушлаб туришда давом этишди.
Изоҳ (0)