Покистонда ҳукмрон «Покистон мусулмон лигаси» (ПМЛ) партияси раҳбарларинин норасмий учрашувида Покистон бош вазирлиги учун мамлакатнинг Панжоб вилояти катта вазири Шаҳбоз Шариф номзоди тасдиқланди. Бу ҳақда «Коммерсантъ» хабар бермоқда.
Навоз Шарифга нисбатан тергов 2016 йил апрелида жамоатчилик эътиборига ҳавола этилган Панама юридик фирмаларидан бирининг ҳужжатларида кўрсатилган маълумотлар асосида қўзғатилган эди. Суд қароридан сўнг, бош вазир истеъфо берган эди.
Dawn нашрининг аниқлик киритишича, Покистон бош вазири курсисини эгаллаш учун Шаҳбоз Шариф вилоят депутатлик мандатидан воз кечиб, Миллий ассамблея учун муддатидан аввалги сайловларда қатнашиши лозим бўлади.
Агар Шаҳбоз Шариф парламентга сайловда ғолиб чиқа олса, унинг бош вазирлик учун номзоди Миллий ассамблеяда овозга қўйилади. Мазкур жараён 45 кунга яқин вақт олиши мумкин, бу фурсат давомида партия муваққат бош вазир хизматларига таяниб туради.
Изоҳ (0)