Венесуэлада 30 июлда ўтказилиши режалаштирилган Конституциявий ассамблеяга сайловлар арафасида АҚШ расмийлари америкалик дипломатлар оилалари мамлакат пойтахтини тарк этишига кўрсатма берди. Бу ҳақда «Корреспондент.net» хабар берди.
Элчихона ходимларига ҳам Каракасдан кетишга рухсат берилди. Давлат департаменти АҚШ фуқароларини Венесуэлага боришдан тийилишга чақирди.
Олдинроқ ИИВ раҳбари Нестор Реверол 28 июлдан 1 августгача мамлакатда сайловлар ўтказилишига халал бериши мумкин бўлган кўча акциялари ман этилишини маълум қилганди.
Бунга риоя этмаганлар 5 йилдан 10 йилгача қамоқ жазосига ҳукм қилиниши мумкин. Бироқ мухолифат мазкур тақиққа амал қилиш ниятида эмас.
Изоҳ (0)