АҚШ президенти Дональд Трампнинг яқин ёрдамчилари охирги ҳафта давомида уни адлия вазири ва бош прокурор Жефф Сешнсни лавозимидан четлаштирмасликка кўндиришга уриниб келмоқда. Бу ҳақда The New York Times маълум қилди, дея хабар беради «ТАСС».
Ёрдамчилар президент Сешнс шаънига ошкора танқидни тўхтатиши лозимлиги, унинг истеъфосига кўплаб республикачи сенаторлар қарши чиқишини таъкидламоқда.
Улар Трамп ҳеч йўқ маълум муддат вазирни бўшатмаслигига умид қилмоқда. Шу билан бирга, у ҳамон Сешнсга нисбатан салбий муносабатда эканлигини яширишмади.
19 июль куни Оқ уй хўжайини Сешнсни адлия вазири лавозимига тайинлаганидан афсус билдирди. Бунга унинг Россия томонидан сайловларга аралашув бўйича текширувда иштирок этишдан бош тортгани сабаб бўлди.
Изоҳ (0)