Халқ депутатлари Хива тумани Кенгашининг навбатдан ташқари сессиясида Хива шаҳри ва туманига янги ҳокимлар тайинланди. Бу ҳақда Хоразм вилояти ҳокимлигининг ахборот хизмати маълум қилди.
Сессия давомида Ўзбекистон Республикаси «Маҳаллий давлат ҳокимияти тўғрисида»ги Қонунининг 2 ва 24-моддаларига мувофиқ вилоят ҳокими Пўлат Бобожоновнинг тавсиясига биноан Хива тумани ҳокими бўлиб ишлаб келган Эркин Ёқубов ўз вазифасидан озод этилиб, Хива шаҳри ҳокими этиб тасдиқланди.
Шунингдек, вилоят ҳокимининг тавсиясига биноан Ўзбекистон Республикаси Қишлоқ ва сув хўжалиги вазирлиги пахтачилик ва техник экинларни ривожлантириш бошқармаси бошлиғи вазифасида фаолият кўрсатиб келган Озод Матёқубов Хива тумани ҳокими этиб тасдиқланди.
Изоҳ (0)